حوزه نیوز ایجنسی کرمان کے مطابق، شہر نودژ کے امام جمعہ حجت الاسلام علی کریمی نے نماز جمعہ کے خطبوں میں تقوائے الٰہی کی تلقین کرتے ہوئے کہا: دنیا اور آخرت کی بھلائی حاصل کرنے کا راستہ ہر مومن کے لیے یہی ہے کہ وہ دنیا و آخرت میں خیر و بھلائی حاصل کرے۔
انہوں نے مزید کہا: حضرت امام جعفر صادق علیہ السلام کی روایت ہے کہ "جب اللہ کسی بندے کی بھلائی چاہتا ہے تو اسے دنیا سے بے رغبتی، دین میں آگاہی اور اپنی خامیوں سے باخبر بنا دیتا ہے"۔
حجت الاسلام علی کریمی نے کہا: دنیا سے بے رغبتی (زہد) ایمان کے اہم ترین ارکان میں سے ہے جو تمام نیکیوں کی کنجی ہے اور ایمان کی حقیقی مٹھاس کا ذائقہ چکھنے کا انحصار بھی مومن کے زہد پر ہے۔
نودژ کے امام جمعہ نے مساجد کی غبار روبی کی رسم کی طرف اشارہ کرتے ہوئے کہا: شعبان کے آخری عشرے کو مساجد کی تعظیم اور ان کی غبار روبی کا عشرہ قرار دیا گیا ہے۔ امام راحل (رہ) کی اہم ترین تدابیر میں سے ایک یہ تھی کہ انہوں نے انقلاب کے آغاز سے ہی مساجد کو روحانی، تعلیم و تربیت کے مراکز اور سماجی و دینی اجتماعات کے لیے محور قرار دیا۔
انہوں نے مزید کہا: رہبر معظم انقلاب اسلامی کی ہدایات کی روشنی میں مساجد کو متحرک، پرکشش اور اثر انگیز مراکز میں تبدیل ہونا چاہیے تاکہ وہ معاشرے کی روحانی اور سماجی ضروریات کو پورا کر سکیں۔
انہوں نے شہید سید حسن نصر اللہ کے جنازے کی طرف اشارہ کرتے ہوئے کہا: اتوار کو بیروت ایک تاریخی دن کا انتظار کر رہا ہے، جہاں سب سے بڑا جنازہ نکالا جائے گا۔ سید مقاومت، سید حسن نصر اللہ کا جنازہ نہ صرف لبنان اور عرب دنیا بلکہ پوری دنیا میں مقاومت اور آزادی کا علامت بن چکا ہے۔ یہاں تک کہ یورپ اور لاطینی امریکہ کے نوجوان بھی انہیں ایک عالمی ہیرو کے طور پر دیکھتے ہیں۔
انہوں نے کہا: سید حسن نصر اللہ نے اپنی شہادت کے ساتھ، مقاومت اور آزادی پسندی کی ایک ابدی میراث چھوڑی ہے۔ شہید نصر اللہ محض ایک شخصیت نہیں تھے بلکہ وہ ایک راستہ اور ایک مکتب تھے اور یہ راستہ اور مکتب ہمیشہ قائم رہے گا۔
آپ کا تبصرہ